.png)
ქვანახშირის ფერფლი - გარემოს დიდი მტერი
ქვანახშირის ფერფლი არის ნარჩენი, რომელიც რჩება ნახშირის დაწვის შემდეგ.
იგი შეიცავს მსუბუქ ჰაერში მფრინავ ფერფლს, ასევე უხეშ მასალებს, რომლებიც ეცემა ღუმელის ფსკერზე.
ქვანახშირის ნაცარი მოდის ნახშირის ელექტროსადგურებიდან.
მსოფლიო მასშტაბით ნახშირის ელექტროსადგურები საკმაოდ გავრცელებულია. მათი დიდი წილი მოდის ჩინეთზე, ინდოეთზე, აშშ-ზე, იაპონიასა და კორეაზე.
ქვანახშირის ფერფლი შეიცავს საშიშ ტოქსინებს, როგორებიცაა:
- დარიშხანი
- ბორი
- კადმიუმი
- ქრომი
ეს ნივთიერებები აზიანებენ ეკოსისტემას და აღწევენ წყალში.
ქვანახშირის ფერფლი ადამიანის ჯანმრთელობისთვის ძალზედ საშიშია. ხანმოკლე ექსპოზიციამ შეიძლება გამოიწვიოს ცხვირისა და ყელის გაღიზიანება, თავბრუსხვევა, გულისრევა, ღებინება და ქოშინი. ხანგრძლივმა ზემოქმედებამ კი შეიძლება გამოიწვიოს ღვიძლის დაზიანება, თირკმლის დაზიანება, გულის არითმია და სხვადასხვა სახის კიბო.
კლიმატის ცვლილება ნახშირის ყველაზე სერიოზული, გრძელვადიანი, გლობალური გავლენაა.
ქიმიურად, ქვანახშირი უმეტესად ნახშირბადია, რომელიც დაწვისას რეაქციაში შედის ჟანგბადთან ჰაერში და წარმოქმნის ნახშირორჟანგს, სითბოს მომგვრელ გაზს.
ნახშირის დაწვა უკავშირდება ნახშირორჟანგის ემისიების 46% მსოფლიოში და შეადგენს ელექტროენერგიის სექტორიდან სათბურის გაზების (GHG) მთლიანი გამონაბოლქვის 72%-ს.
შედეგად გვაქვს უკვე გლობალური დათბობა, რომელიც მომავალში გამოიწვევს, ან გაამწვავებს:
გვალვას, ზღვის დონის აწევას, წყალდიდობებს, ექსტრემალურ ამინდებს და ცხოველების სახეობების დაკარგვას.
